Коллектив авторов — Святая преподобномученица Елисавета Федоровна (Романова). Жизнеописание. Акафист

12 3 4 5 6

По благословению Архиепископа Тернопольского и Кременецкого СЕРГИЯ

Святая преподобномученица Елисавета Федоровна (Романова). Жизнеописание. Акафист

Блажен, кто в дни борьбы мятежной,

В дни общей мерзости людской,

Остался с чистой, белоснежной,

Неопороченной душой.

Сергей Бехтеев

Жизнеописание

Не всякому поколению суждено встретить на своем пути такой благословенный дар Неба, каким явилась для своего времени Великая Княгиня Елизавета Феодоровна. Это было редкое сочетание возвышенного христианского настроения, нравственного благородства, просвещенного ума, нежного сердца и изящного вкуса. Она обладала чрезвычайно тонкой и многогранной душевной организацией. Самый внешний облик ее отражал красоту и величие ее духа: на челе ее лежала печать прирожденного высокого достоинства, выделявшего ее из окружающей среды. Напрасно она пыталась иногда под покровом скромности утаиться от людских взоров: ее нельзя было смешать с другими. Где бы она ни появлялась, о ней всегда можно было спросить: «Кто эта блистающая, как заря, светлая, как солнце?» (Песн. 6:10).

Архиепископ Анастасий

Великая Княгиня Елизавета Феодоровна, супруга Великого Князя Сергея Александровича, брата Императора Александра III, была дочерью Великого Герцога Гессен-Дармштадтского Людовика IV и его супруги Алисы, дочери Королевы Виктории Великобританской. Она родилась в 1864 году. Младшая ее сестра Алиса стала впоследствии супругой Императора Николая II – Императрицей Александрой Феодоровной. Великая Княгиня лишилась матери четырнадцати лет и воспитывалась при дворе своей бабушки,

Королевы Виктории, в духе английской сдержанности и холодности.

П. Балуева-Арсеньева

На образование духовного облика Великой Княгини, по собственному ее признанию, имел большое влияние пример Елизаветы Тюрингенскоой… Современница Крестовых походов, эта замечательная женщина соединяла в себе глубокое благочестие с самоотверженной любовью к ближним. Ее супруг считал ее щедрость расточительностью и иногда преследовал ее за это. Постигшее затем Елизавету раннее вдовство обрекло ее на скитальческую, полную лишений жизнь. После она снова получила возможность всецело посвятить себя делам милосердия. Высокое почитание этой царственной подвижницы еще при жизни побудило Римскую Церковь в XIII веке причислить ее к лику своих святых. Душа Великой

Княгини с детства была пленена светлым образом ее прабабки.

Протопресвитер М. Польский

…Богатые от природы дарования изощрены были широким многосторонним образованием, не только отвечавшим ее умственным и эстетическим запросам, но и обогатившим ее сведениями практического характера, необходимыми для каждой женщины в домашнем обиходе. «Нас с государыней (то есть Императрицей Александрой Фео-доровной, ее младшей сестрой) обучали в детстве всему», – сказала она однажды в ответ на вопрос, почему ей известны все отрасли домоводства.

Архиепископ Анастасий

Она поражала своим внешним обликом, выражением своего лица – это была сама скромность, необыкновенно естественна, не сознавая этого, она была исключительна. Глубоко вдумчивая, всегда спокойная, ровная…

М. Белевская-Жуковская

Я так и вижу ее такой, какой она тогда была: высокой, строгой, со светлыми, глубокими и наивными глазами, с нежным ртом, мягкими чертами лица, прямым и тонким носом, с гармоническими и чистыми очертаниями фигуры, с чарующим ритмом походки и движений. В ее разговоре угадывался прелестный женский ум – естественный, серьезный и полный скрытой доброты.

Морис Палеолог

Она так женственна; я не налюбуюсь ее красотой. Глаза ее удивительно красиво очерчены и глядят так спокойно и мягко. В ней, несмотря на всю ее кротость и застенчивость, чувствуется некоторая самоуверенность, сознание своей силы.

К. Р.

…Она являлась пред людьми всегда со светлым, улыбающимся лицом. Только когда она оставалась одна или в кругу близких людей, у нее на лице, особенно в глазах, проступала таинственная грусть – печать высоких душ, томящихся в этом мире.

Протопресвитер М. Польский

15 июня 1884 года, 20-ти лет от роду, она бракосочеталась с Великим Князем Сергеем Александровичем. <…> Свадебное путешествие Сергей Александрович и его супруга совершили в Иерусалим, где он основал Императорское Палестинское общество для обслуживания и приюта многочисленных русских паломников, до этого безбожно обкрадывавшихся и эксплуатировавшихся местным населением. Кроме того, они заложили на Елеонской горе храм в честь святой Марии Магдалины.

Н. Балуева-Арсеньева

По обоюдному желанию супруги хранили чистоту, так как еще до свадьбы благочестивые жених и невеста решили жить как брат и сестра. Этот союз был удивительно счастливым, поскольку супруги имели глубокое духовное родство.

Из книги, посвященной памяти Вел. Кн. Сергия Александровича

…Великая Княгиня прибыла в Россию в то время, когда последняя под крепким скипетром Александра III достигла расцвета своего могущества и силы, и притом в чисто национальном духе. С свойственной ей любознательностью и нравственною чуткостью молодая Великая Княгиня стала внимательно изучать национальные черты русского народа и особенно его веру, положившую глубокий отпечаток на наш народный характер и на всю нашу культуру. Вскоре Православие покорило ее своей красотой и богатством внутреннего содержания, которое она нередко противопоставляла духовной бедности опустошенного протестантства. <…> И Великая Княгиня по собственному внутреннему побуждению решила присоединиться к Православной Церкви.

Архиепископ Анастасий

«Я, наконец, решила присоединиться к вашей религии и хочу сделать это к Пасхе, чтобы иметь возможность причаститься на Страстной неделе. <…> Я, наконец, почувствовала, как же это было нехорошо – отстраняться от беспокойств и от мучительных разговоров со старыми друзьями, которые я для вида продолжала, и быть перед миром протестанткой, когда моя душа уже принадлежала Православной вере. Это была ложь перед Богом и людьми, очень большой грех, и я в нем сердечно раскаиваюсь».

Из письма Елизаветы Феодоровны к Николаю II от 5 января 1891 года

Когда она сообщила о своем намерении своему супругу, у него, по словам одного из бывших придворных, «слезы невольно брызнули из глаз». Глубоко тронут был ее решением и сам Император Александр III, благословивший свою невестку после святого миропомазания драгоценной иконой Нерукотворного Спаса.

Архиепископ Анастасий

Великая Княгиня – протестантка – за свое сравнительно недолгое пребывание в России успела изучить и оценить Православие, которое она, очень верующая и подготовленная, решилась принять. Был назначен день, и в апреле 1891 года состоялось это духовное торжество, которое произвело неизгладимое впечатление на присутствующих: новый член Церкви с чистейшей душой казалась не от мира сего!.. Присоединение произошло в церкви Сергиевского дворца. Можно предполагать, что это важное решение было принято Елизаветой Феодоровной под влиянием мужа, Великого Князя Сергея Александровича, глубоко верующего человека. Конечно, они соблюдали все посты, говели несколько раз в году.

М. Белевская-Жуковская

Семь лет ее брака прошли в полном расцвете петербургской придворной жизни, и чтобы угодить мужу, она собрала вокруг себя светское общество, и это общество ею восхищалось. Но подобный образ жизни ее мало удовлетворял. По занимаемому ею положению она обязана была присутствовать на всех официальных приемах, но они представляли для нее интерес лишь постольку, поскольку она могла использовать некоторые связи на пользу своей благотворительной деятельности, которую она уже в то время начинала проявлять. В Москве все быстро усвоили навык постоянно на нее опираться, ставить ее во главе новых организаций, выбирать в патронессы всех благотворительных учреждений.

Протопресвитер М. Польский

В этой деятельной и блестящей жизни Елизавета Феодоровна имела свою роль. Она была любезной хозяйкой на великолепных приемах в Александровском дворце и в Ильинском; она усердно тратила средства на множество дел благочестия и милосердия, на школы и на искусства. Живописная обстановка и нравственная атмосфера Москвы глубоко действовали на ее восприимчивость. Ей разъяснили однажды, что провиденциальной миссией царей является осуществление Царства Божия на русской земле; мысль, что она, хотя бы в малой части, содействует этой задаче, возбуждала ее воображение.

Тропарь, глас 1

Аудио:

Смире́нием досто́инство кня́жеское сокры́вши,/ богому́драя Елисаве́то,/ сугу́бым служе́нием Ма́рфы и Мари́и/ Христа́ почти́ла еси́./ Милосе́рдием, терпе́нием и любо́вию себе́ предочи́стивши,/ я́ко же́ртва пра́ведная Бо́гу принесла́ся еси́./ Мы же, чту́ще доброде́тельное житие́ и страда́ния твоя́,/ я́ко и́стинную наста́вницу усе́рдно про́сим тя:/ свята́я му́ченице вели́кая княги́не Елисаве́то,// моли́ Христа́ Бо́га спасти́ и просвети́ти ду́ши на́ша.

Перевод: В смирении скрыв княжеское достоинство, Богомудрая Елисавета, особым служением Марфы и Марии ты почтила Христа. Милосердием, терпением и любовью себя предочистив, как жертва праведная ты принесла себя Богу. Мы же, почитая добродетельное житие и мучения твои, как истинную наставницу усердно просим тебя: «Святая мученица великая княгиня Елизавета, моли Христа Бога о спасении и просвещении душ наших».

Кондак, глас 5

От сла́вы ца́рственныя, взе́мши Крест Христо́в, прешла́ еси́ к сла́ве Небе́сней, моля́щи за враго́в, и обрела́ еси́ ра́дость ве́чную, свята́я му́ченице княги́не Елисаве́то, с Варва́рою му́ченицею. Те́мже мо́лим вас: моли́те о душа́х на́ших.

Перевод: От царственной славы (земной), подняв Крест Христов, ты перешла к славе Небесной, молясь о врагах, и обрела ты радость вечную, святая мученица княгиня Елисавета, с мученицей Варварой. Потому молим вас: «Молите о душах наших».

Молитва 1-я

О, вели́кая княги́не, свята́я преподобному́ченице Елисаве́то, Росси́йская похвало́, гра́да Москвы́ пресла́вное украше́ние и Святы́я Земли́ свяще́нное достоя́ние!
Ты во дни жития́ твоего́ ве́ру, наде́жду, любо́вь нело́жны стяжа́вши, милосе́рдием к стра́ждущим све́тло просия́ла еси́. Терпе́нием же скорбе́й и искуше́ний о́браз смире́ния бли́жним яви́вши, изгна́нием и страданьми житие́ увенча́ла еси́ и во Ца́рствии Небе́снем ны́не пребыва́еши.
Сего́ ра́ди мо́лим тя, страстоте́рпице свята́я, моли́твами твои́ми да́руй нам се́рдце смире́нное и покая́нное, милосе́рдие неоскудева́ющее, служе́ние бли́жним же́ртвенное, терпе́ние непоколе́блемое, му́жество в ско́рбех и обстоя́ниих неослабева́ющее, в стра́шный же час сме́ртный упова́ние тве́рдое на Го́спода на́шего Иису́са Христа́, Ему́же подоба́ет вся́кая сла́ва, честь и поклоне́ние со Безнача́льным Его́ Отце́м, и Пресвяты́м, Благи́м и Животворя́щим Его́ Ду́хом ны́не и при́сно и во ве́ки веко́в. Ами́нь.

Молитва 2-я**

О, святы́я новому́ченицы Церкви Русския, вели́кая княги́не Елисаве́то и пречестна́я и́нокине Варва́ро, ку́пно ева́нгельския за́поведи де́лом во оби́тели милосе́рдия соверши́вшия, ве́ры ра́ди правосла́вныя до сме́рти подвизавшияся и до́брый плод в терпе́нии страсте́й Христу́ прине́сшия! Моли́теся Ему́, я́ко победи́телю сме́рти, да утверди́т Це́рковь Ру́сскую Правосла́вную и Оте́чество на́ше. Се бо лука́вый враг вооружа́ется на ны, хотя́ нас погуби́ти в междоусо́бных бра́нех, ско́рбех, печа́лех, боле́знех, ну́ждах и беда́х лю́тых. Умоли́те Го́спода низложи́ти вся не́мощныя де́рзости его́; ве́ру в сердца́х люде́й православных укрепи́те, нам же мужества дар низпослите, да, отве́ргшеся себе́ и взе́мше крест свой, после́дуем Христу́, распина́юще плоть свою́ со страстьми́ и похотьми́. Сохрани́те нас от вся́каго зла, освяти́те пути́ жи́зни на́шея, да́руйте покая́ние нелицеме́рное, тишину́ и мир душа́м на́шим, испроси́те у Го́спода всем нам мыта́рств го́рьких и ве́чныя му́ки изба́витися и Небе́сному Ца́рствию насле́дником бы́ти со все́ми святы́ми, от века угоди́вшими Бо́гу, да ра́дующеся воздади́м хвалу́, честь и поклоне́ние Отцу́ и Сы́ну и Свято́му Ду́ху во ве́ки веко́в. Ами́нь.

Акафист святой преподобномученице великой княгине Елисавете (Акафисты русским святым)

Кондак 1.

Избранная от рода державнаго дщерь Церкве Русския, любовию изобильною и милосердием Богу и ближним добре послужившая, за веру во Христа Господа нашего душу свою положившая и венцем славы Христовы украшенная, восхваляюще подвиги и страдания твоя, с любовию воспеваем ти сице: Радуйся, благоверная княгине Елисавето, преподобномученице достославная.

Икос 1.

Ангельским попечением хранимая и материю твоею благочестию поучаемая, в трудех, молитвах и милостыни измлада образ добродетельнаго жития явила еси. По кончине же матере твоея и ближних сродников крестный путь, Господем заповеданный, уразумела еси. Темже, дивящеся таковому от юности твоему избранию, со умилением взываем ти:

Радуйся, от юности Христа возлюбившая; радуйся, во младости начатки благочестия приимшая.

Радуйся, Христова агнице избранная; радуйся, страх Божий в душе восприявшая.

Радуйся, добродетели матере твоея наследствовавшая; радуйся, трудолюбию и милосердию ею наученная.

Радуйся, сердцем в Бозе утвержденная; радуйся, с верою и упованием крест твой понесшая.

Радуйся, земли отечества твоего цвете благоуханный; радуйся, чистотою жизни твоея Небеса возвеселившая.

Радуйся, на служение страждущим Богом избранная; радуйся, пред Господем о нас теплая молитвеннице.

Радуйся, благоверная княгине Елисавето, преподобномученице достославная.

Кондак 2.

Виде Господь благое сердца твоего изволение, яко возжелела еси житие проводити во благочестии и чистоте, к небесней красоте очи сердца твоего устремляющи и любовь к Богу в себе возгревающи. Молитвами твоими и наша сердца тою же любовию просвети, да с тобою воспоим Богу: Аллилуиа.

Икос 2.

Разум просвещен имущи и все упование на Бога возложивши, не убоялася еси, святая Елисавето, оставити дом отца твоего и в новое Отечество вселитися, егда браком сочеталася еси с российским великим князем Сергием. Мы же с любовию взываем ти сице:

Радуйся, от Запада на Восток пришедшая; радуйся, в новем Отечествии единение с Церковию обретшая.

Радуйся, заповеди Господни исполнити возжелевшая; радуйся, в сердцах наших по Бозе ревнование воспламеняющая.

Радуйся, в супружестве целомудренне пожившая; радуйся, в доброделании нас наставляющая.

Радуйся, благоверная княгине, стране нашей верно послужившая; радуйся, супругу твоему в делех благих мудрая помощнице.

Радуйся, семейств благочестивых покровительнице; радуйся, материнскою любовию нас согревающая.

Радуйся, красотою душевною и телесною всех удивляющая; радуйся, всего мира христианскаго украшение.

Радуйся, благоверная княгине Елисавето, преподобномученице достославная.

Кондак 3.

Силою Божественныя благодати ко спасению умудренная, познала еси веру истинную, княгине милостивая Елисавето. Темже, во Святей Земли пребывающи и в желании сердца своего прияти Православие укрепившися, воспела еси просветившему тя Богу: Аллилуиа.

Икос 3.

Имущи сердце, добрей земли подобное, веру православную удобь восприяла еси, темже Святаго Миропомазания и причащения Святых Христовых Тайн в праздник Воскрешения праведнаго Лазаря сподобилася еси. Мы же, славяще просвещение твое благодатию Святаго Духа, величаем тя:

Радуйся, от заблуждений отрекшаяся; радуйся, веру православную приемшая.

Радуйся, помазанием Святаго Духа запечатленная; радуйся, с Церковию истинною воссоединенная.

Радуйся, святей праведней Елисавете тезоименитая; радуйся, в подвизех ей усердно подражавшая.

Радуйся, сыновом Запада путь к истинней вере показующая; радуйся, от благочестивых людей российских любовию почитаемая.

Радуйся, милостивая мати, милость у Владыки и Господа обретшая; радуйся, и о нашем помиловании усердно молящаяся.

Радуйся, свет Божественный в сердце своем носившая; радуйся, тьму жизни нашея светом Христовых заповедей озаряющая.

Радуйся, благоверная княгине Елисавето, преподобномученице достославная.

Кондак 4.

Буря злобы врага рода человеческаго не поколеба тя, святая, егда благоверный супруг твой внезапную смерть от убийц злонравных восприят, емуже сострадающи, велие мужество и христианскую любовь явила еси, о покаянии же убийц молящися, творила еси песнь: Аллилуиа.

Икос 4.

Слышавше российстии людие о убиении супруга твоего, моляху Бога, да укрепит тя, святая Елисавето, в несении скорби сея. Ты же, евангельскою любовию движима, в темнице убийцу посетила еси, к покаянию его подвизающи и молитвы возносящи ко Господу о прощении его. Сего ради приими от нас, недостойных, похвалы сия:

Радуйся, заповедь Христову о любви ко врагом исполнившая; радуйся, убийцу супруга твоего евангельски простившая.

Радуйся, мнози скорби и беды претерпевшая; радуйся, в скорбех и печалех нам помогающая.

Радуйся, заблуждших на путь истины и покаяния наставляющая; радуйся, о помиловании грешных тепле ходатайствующая.

Радуйся, во тьме печалей светом надежды нас озаряющая; радуйся, путеводная звездо всем спасения чающим.

Радуйся, окамененныя сердца наша во умиление приводящая; радуйся, о всякой скорби нашей Христа умоляющая.

Радуйся, злобу мира добром побеждавшая; радуйся, людем российским любовь истинную показавшая.

Радуйся, благоверная княгине Елисавето, преподобномученице достославная.

Кондак 5.

Боготечная звезда явилася еси в земли Российстей, святая Елисавето, егда богатство и славу яко прах вменивши, в руце Божии жизнь свою предала еси, Крест Господень выну пред очима имущи. Темже, молитвою и делы милосердия Богу угодивши, днесь в радости Ему поеши: Аллилуия.

Икос 5.

Видевше тя людие богоспасаемаго града Москвы дивную устроительницу обители милосердия, возрадовашася, яко мнози жены, девы и старицы российстии обретоша зде тихое и душеспасительное пристанище, подражающе святым женам-мироносицам Марфе и Марии в служении Богу и ближним. Сего ради, прославляюще тя, глаголем сице:

Радуйся, среди славы земныя суету мирскаго жития уразумевшая; радуйся, имение свое раздавшая и нищету Христову возлюбившая.

Радуйся, град Москву обителию дивною украсившая; радуйся, благое иго Христово на рамо восприимшая.

Радуйся, служению святых жен-мироносиц подражавшая; радуйся, многия жены во обитель милосердия приведшая.

Радуйся, ко спасению сестер твоих мудрая управительнице; радуйся, обители твоея неусыпная хранительнице.

Радуйся, в подвизех телесных и духовных нас укрепляющая; радуйся, путь от земли на Небо нам показующая.

Радуйся, светило милосердия, над градом Москвою возшедшее; радуйся, всех служащих ближним покровительнице.

Радуйся, благоверная княгине Елисавето, преподобномученице достославная.

Кондак 6.

Проповедница любве Божественныя и милосердия неистощимаго была еси в земли нашей, святая Елисавето, благочестия ревнительнице, в сердцах людей российских любовь ко Господу и милосердие к братиям бедствующим возгревающи. Темже и мы, твоим заветом последующе, вкупе с сирыми и убогими Богу воспоим: Аллилуиа.

Икос 6.

Возсияла еси светом иноческаго жития в стране Российстей, преподобная мати наша Елисавето, в посте и молитве, в нощных бдениих и строгом воздержании пребывающи, благочестию и смирению сестры обители твоея поучала еси. Мы же, тобою на путь тесный подвига духовнаго наставляеми, ублажаем тя:

Радуйся, путь равноангельнаго жития избравшая; радуйся, в целомудрии чистоту сердца твоего сохраньшая.

Радуйся, в нестяжании высоту духа твоего показавшая; радуйся, в послушании Богу и ближним послужившая.

Радуйся, мудрая княгине и инокине пречестная; радуйся, образе женам христианским.

Радуйся, постом, бдением и непрестанными молитвами Богу угодившая; радуйся, от сна греховнаго души наша пробуждающая.

Радуйся, ко исполнению заповеди о любви к Богу и ближним всех наставляющая; радуйся, молитве теплой нас научающая.

Радуйся, наставнице инокиням и собеседнице ангелом; радуйся, в сонме преподобных жен на Небеси прославленная.

Радуйся, благоверная княгине Елисавето, преподобномученице достославная.

Кондак 7.

Хотящи волю Господню творити, святая Елисавето, на всякий час свою волю отсекала еси, к совету пустынных старцев Гавриила и Алексия притекающи и ины мужи духоносныя вопрошающи, ихже мудрыми наставлении житие во обители милосердия добре устрояла еси, непрестанно с сестрами взывающи Богу: Аллилуиа.

Икос 7.

Новое чудо показа Господь, егда дарова ти, святая Елисавето, благодать и силу немощныя исцеляти, безнадежныя утешати, заблуждшия вразумляти. Ты же, облегчение и отраду с любовию подающи, сирым, забвеным и немощным смиренно послужила еси. Темже и нас, убогих, твоею молитвою от страстей греховных исцели и буди нам ко спасению управительница, да благодарственно воспоем ти:

Радуйся, в послушании духовным отцем и великим старцем пожившая; радуйся, Великая Матушка людьми российскими нареченная.

Радуйся, дар немощныя души врачевати от Бога стяжавшая; радуйся, болящия от одра болезни возставляющая.

Радуйся, вдовиц и сирот благосердая попечительнице; радуйся, алчущих питательнице и сущим в бедах скорая заступнице.

Радуйся, всеми презренных и отверженных не оставляющая; радуйся, многия души от тьмы греховныя и погибели спасающая.

Радуйся, унывающим в скорбех и обстояниих мудрая утешительнице; радуйся, и нас, удрученных болезньми и немощьми, укрепляющая.

Радуйся, кающимся грешником пред Господем предстательнице; радуйся, людем российским богодарованная помощнице.

Радуйся, благоверная княгине Елисавето, преподобномученице достославная.

Кондак 8.

Странное и страшное видение яви Господь духовнику обители милосердия иерею Митрофану, ты же, о святая мати, сие видение изъясняющи, прорекла еси, яко велие и грозное испытание грядет на Церковь Русскую и державу нашу: святынь поругание, брань братоубийственная, смута велия, кончина мученическая семейства царскаго; но помилует Бог Россию по молитвам святых ея, с нимиже ты ныне воспеваеши Богу: Аллилуиа.

Икос 8.

Вся благодатию Божественною просвещаема, святая Елисавето, мысленныма очима гневное посещение Божие страны нашея зрела еси и пророчески вещала еси, яко мнози мученицы и исповедницы в земли Русстей возсияют. Темже все упование на Божию Матерь возложити люди российстии призывала еси, верующи, яко молитвами Ея устроится и благословится земля наша. Мы же, ведуще проречения твоего о судьбе отчизны нашея сбытие, ублажаем тя сице:

Радуйся, храм Покрова Пресвятыя Богородицы во обители воздвигшая; радуйся, в руце Пречистей Матери обитель твою предавшая.

Радуйся, храмов святых и благолепных устроительнице; радуйся, к Богородице неусыпная молитвеннице.

Радуйся, храмы Божии сосудами и ризами благоукрасившая; радуйся, яко сердце твое обителию Святаго Духа соделася.

Радуйся, житием своим Господу и Матери Его верно послужившая; радуйся, все упование на Бога возлагати нас научающая.

Радуйся, кротость, тишину и мир сердцам нашим подающая; радуйся, благодатными дары светло украшенная.

Радуйся, мужественне скорби и клевету претерпевшая; радуйся, себе в жертву Богу уготовившая.

Радуйся, благоверная княгине Елисавето, преподобномученице достославная.

Кондак 9.

Вся любовию к Богу пламенеющи, святая Елисавето, не убоялася еси, егда приидоша во обитель твою людие безбожнии, хотящии суд неправеден над тобою совершити. Ты же, Господом сохраняема, смерти тогда избегла еси, о вразумлении и просвещении неразумных и заблуждших молящися, Богу же во благодарении воспевающи: Аллилуиа.

Икос 9.

Ветий человеческих уста не возмогут достойно восхвалити крепость любве твоея во дни бед и напастей великих, обышедших Отечество наше, егда не восхотела еси покинути Россию и обитель, тобою созданную, сестры тоя за веру православную даже до смерти стояти увещавающи. Мы же с любовию восхваляем тя:

Радуйся, землю нашу возлюбившая; радуйся, от людей православных с любовию прославляемая.

Радуйся, щитом веры ограждатися нас научающая; радуйся, желание крестным путем следовати в нас укрепляющая.

Радуйся, от рова погибели многия спасшая; радуйся, обители твоей и граду Москве покрове и защитнице.

Радуйся, сестры обители милосердия в вере и надежди утвердившая; радуйся, на подвиг мученичества за Христа их наставльшая.

Радуйся, приобщитися страстем Христовым удостоившаяся; радуйся, в подвизе исповедничества верныя утверждающая.

Радуйся, любви жертвенней, вечней нас научающая; радуйся, в радость Господа твоего вшедшая.

Радуйся, благоверная княгине Елисавето, преподобномученице достославная.

Кондак 10.

Спасительнаго подвига ищущи, святая Елисавето, с радостию благодарила еси Бога, яко сподоби тя понести крест Его. Темже просия победою вера твоя, егда, к Голгофе своей восходящи, непрестанно возглашала еси: Слава Богу за вся! Умоли, о мати наша, да дарует нам Господь стяжати мудрость и силу за веру правую даже до смерти стояти и воспевати Ему едиными усты и единым сердцем: Аллилуиа.

Икос 10.

Стена необоримая и заступление стране нашей даровася святая икона Божия Матере Державная, юже прияла еси во Обители милосердия, святая Елисавето, яко знамение победы над миродержители тьмы века сего. Сего ради и мы, все упование на Державную Владычицу возложивше, тебе яко истинную служительницу и послушницу Пречистыя Матере Господа восхваляем:

Радуйся, исполненная благодати и силы Божия; радуйся, избравшая благую часть, яже не отымется от тебе.

Радуйся, в кротости и смирении Божией Матери подражавшая; радуйся, яко мудрая евангельская дева елей благодати собравшая.

Радуйся, Пресвятыя Богородицы благоговейная служительнице; радуйся, у Престола Сына Ея непрестанная молитвеннице.

Радуйся, образ самоотвержения нам явившая; радуйся, друг друга тяготы носити научающая.

Радуйся, скорбьми и слезами в Царство Небесное возшедшая; радуйся, любви и терпению в страдании сущих всех научающая.

Радуйся, ангельски на земли пожившая; радуйся, на Небеси венец славы улучившая.

Радуйся, благоверная княгине Елисавето, преподобномученице достославная.

Кондак 11.

Пение молебное Божией Матери возносила еси, святая Елисавето, в день празднования Иверския иконы Ея, егда взяша тя нечестивии и в темницу ввергоша. Ты же благодарила еси Христа Бога нашего, давшаго тебе не точию еже в Него веровати, но и еже по Нем страдати, в узах темничных воспевающи Ему: Аллилуиа.

Икос 11.

Свет Божественный осия тя, страстотерпице святая княгине Елисавето, купно с преподобномученицею Варварою, о Христе сестрою твоею, и с прочими страстотерпцы именитыми, егда в глубокий ров низринуша вас нечестивии. Ты же, раны великаго князя Иоанна обязующи и страдания ближних облегчающи, воспевала еси священная песнопения, за убивающих сице молящися: Отче, отпусти им, не ведят бо, что творят. Уврачуй и наших душ раны, преподобная мати, да с любовию воспоем ти:

Радуйся, мученическую кончину свою предуведевшая; радуйся, страстотерпице великоименитая.

Радуйся, Страстем Христовым приобщившаяся; радуйся, силою Божественною в страданиих укрепляемая.

Радуйся, за мучителей своих, Христу подражающи, молившаяся; радуйся, до самыя кончины твоея песнь Богу воспевавшая.

Радуйся, кровию своею землю Русскую оросившая; радуйся, сонму новых мученик сопричтенная.

Радуйся, яко лику преподобных и праведных жен приобщилася еси; радуйся, святых благоверных княгинь земли Русския достойная сонаследнице.

Радуйся, жертво непорочная и благоприятная, Богу принесенная; радуйся, со всеми святыми земли нашея торжествующая.

Радуйся, благоверная княгине Елисавето, преподобномученице достославная.

Кондак 12.

Благодать источают честнии мощи ваша, святыя преподобномученицы Елисавето и Варваро, ихже от поругания и безчестия спасше, благочестивии людие из России во святый град Иерусалим принесоша и в веси Гефсиманийстей погребоша, идеже мнозии к ним приходяще, ублажают вас, воспевающе Богу, дивному во святых Своих: Аллилуиа.

Икос 12.

Света небеснаго и благоухания чуднаго храм святыя мироносицы Марии Магдалини во Иерусалиме исполнися, егда гроб с телом твоим отверст бысть. Темже ныне Церкве Православныя чада вси радуются и ликуют о Господе, притекающе к чудоточней раце мощей твоих, преподобномученице Елисавето, и благодаряще прославльшаго тя Господа, поют сице:

Радуйся, яко мощи твоя нетлением процветоша; радуйся, во Святую Землю телом принесенная.

Радуйся, в саду моления Господня погребенная; радуйся, во храме святыя мироносицы упокоенная.

Радуйся, явлением мощей твоих Церковь Русскую возвеселившая; радуйся, сущих в разсеянии российских людей духовно укрепившая.

Радуйся, яко Господь чрез мощи твоя исцеляет всякия скорби и болезни; радуйся, по морю житейскому плавающих тихое пристанище.

Радуйся, венец добродетелей собравшая; радуйся, славою и честию от Бога венчанная.

Радуйся, Горняго Иерусалима блаженная обитательнице; радуйся, ко Иерусалиму Небесному всем нам путеводительнице.

Радуйся, благоверная княгине Елисавето, преподобномученице достославная.

Кондак 13.

О, великая страстотерпице, жен российских украшение и радосте наша, княгине милостивая Елисавето, приими от сердца воздыхание наше, с любовию тебе приносимое, и твоим предстательством ко Господу дух правыя веры и благочестия в нас укрепи, в добродетели и милосердии утверди, помози крест скорбей с терпением и надеждою понести, в любви и согласии народ наш сохрани, да сподобимся в радость Господа внити, со ангелы и всеми святыми поюще Ему: Аллилуиа.

Молитва первая.

О, великая княгине, святая преподобномученице Елисавето, Российская похвало, града Москвы преславное украшение и Святыя Земли священное достояние!

Ты во дни жития твоего веру, надежду, любовь неложны стяжавши, милосердием к страждущим светло просияла еси. Терпением же скорбей и искушений образ смирения ближним явивши, изгнанием и страданьми житие увенчала еси и во Царствии Небеснем ныне пребываеши.

Сего ради молим тя, страстотерпице святая, молитвами твоими даруй нам сердце смиренное и покаянное, милосердие неоскудевающее, служение ближним жертвенное, терпение непоколеблемое, мужество в скорбех и обстояниих неослабевающее, в страшный же час смертный упование твердое на Господа нашего Иисуса Христа, Емуже подобает всякая слава, честь и поклонение со Безначальным Его Отцем, и Пресвятым, Благим и Животворящим Его Духом ныне и присно и во веки веков. Аминь.

Молитва вторая.

О, святыя новомученицы Церкви Русския, великая княгине Елисавето и пречестная инокине Варваро, купно евангельския заповеди делом во обители милосердия совершившия, веры ради православныя до смерти подвизавшияся и добрый плод в терпении страстей Христу принесшия! Молитеся Ему, яко победителю смерти, да утвердит Церковь Русскую Православную и Отечество наше. Се бо лукавый враг вооружается на ны, хотя нас погубити в междоусобных бранех, скорбех, печалех, болезнех, нуждах и бедах лютых. Умолите Господа низложити вся немощныя дерзости его; веру в сердцах людей православных укрепите, нам же мужества дар низпослите, да, отвергшеся себе и вземше крест свой, последуем Христу, распинающе плоть свою со страстьми и похотьми. Сохраните нас от всякаго зла, освятите пути жизни нашея, даруйте покаяние нелицемерное, тишину и мир душам нашим, испросите у Господа всем нам мытарств горьких и вечныя муки избавитися и Небесному Царствию наследником быти со всеми святыми, от века угодившими Богу, да радующеся воздадим хвалу, честь и поклонение Отцу и Сыну и Святому Духу во веки веков. Аминь.

Акафист святой преподобномученице княгине Елисавете (новая редакция)

Священный Синод на заседании 29 июля 2017 года одобрил (журнал № 65) новую редакцию акафиста святой преподобномученице великой княгине Елисавете.

Акафист святой преподобномученице княгине Елисавете в формате .doc

Акафист святой преподобномученице великой княгине Елисавете.

Кондак 1

Избра́нная от ро́да держа́внаго дщерь Церкве Русския, любо́вию изоби́льною и милосе́рдием Бо́гу и бли́жним до́бре послужи́вшая, за ве́ру во Христа́ Го́спода на́шего ду́шу свою́ положи́вшая и венце́м сла́вы Христо́вы украше́нная, восхваля́юще по́двиги и страда́ния твоя́, с любо́вию воспева́ем ти си́це: Ра́дуйся, благове́рная княги́не Елисаве́то, преподобному́ченице достосла́вная.

Икос 1

А́нгельским попече́нием храни́мая и ма́терию твое́ю благоче́стию поуча́емая, в труде́х, моли́твах и ми́лостыни измла́да о́браз доброде́тельнаго жития́ яви́ла еси́. По кончи́не же ма́тере твоея́ и бли́жних сро́дников кре́стный путь, Го́сподем запове́данный, уразуме́ла еси́. Те́мже, дивя́щеся таково́му от ю́ности твоему́ избра́нию, со умиле́нием взыва́ем ти:

Ра́дуйся, от ю́ности Христа́ возлюби́вшая;

ра́дуйся, во младости нача́тки благоче́стия прии́мшая.

Ра́дуйся, Христо́ва а́гнице избра́нная;

ра́дуйся, страх Божий в душе восприявшая.

Ра́дуйся, доброде́тели ма́тере твоея́ наследствовавшая;

ра́дуйся, трудолю́бию и милосе́рдию е́ю науче́нная.

Ра́дуйся, се́рдцем в Бо́зе утвержде́нная;

ра́дуйся, с ве́рою и упова́нием крест твой поне́сшая.

Ра́дуйся, земли́ оте́чества твоего́ цве́те благоуха́нный;

ра́дуйся, чистото́ю жи́зни твоея́ Небеса́ возвесели́вшая.

Ра́дуйся, на служе́ние стра́ждущим Бо́гом избра́нная;

ра́дуйся, пред Го́сподем о нас те́плая моли́твеннице.

Ра́дуйся, благове́рная княги́не Елисаве́то, преподобному́ченице достосла́вная.

Кондак 2

Ви́де Госпо́дь благо́е се́рдца твоего́ изволе́ние, я́ко возжеле́ла еси́ житие́ проводи́ти во благоче́стии и чистоте́, к небе́сней красоте́ о́чи се́рдца твоего́ устремля́ющи и любо́вь к Бо́гу в себе́ возгрева́ющи. Моли́твами твои́ми и на́ша сердца́ то́ю же любо́вию просвети́, да с тобо́ю воспои́м Бо́гу: Аллилу́иа.

Икос 2

Ра́зум просвещен имущи и все упова́ние на Бо́га возложи́вши, не убоя́лася еси́, свята́я Елисаве́то, оста́вити дом отца́ твоего́ и в но́вое Оте́чество всели́тися, егда́ бра́ком сочета́лася еси́ с росси́йским вели́ким кня́зем Се́ргием. Мы же с любо́вию взыва́ем ти си́це:

Ра́дуйся, от За́пада на Восто́к прише́дшая;

ра́дуйся, в но́вем Оте́чествии едине́ние с Це́рковию обре́тшая.

Ра́дуйся, за́поведи Госпо́дни испо́лнити возжеле́вшая;

ра́дуйся, в сердца́х на́ших по Бо́зе ревнова́ние воспламеня́ющая.

Ра́дуйся, в супру́жестве целому́дренне пожи́вшая;

ра́дуйся, в доброде́лании нас наставля́ющая.

Ра́дуйся, благове́рная княги́не, стране́ на́шей ве́рно послужи́вшая;

ра́дуйся, супру́гу твоему́ в де́лех благи́х мудрая помощнице.

Ра́дуйся, семейств благочестивых покрови́тельнице;

ра́дуйся, матери́нскою любо́вию нас согрева́ющая.

Ра́дуйся, красото́ю душе́вною и теле́сною всех удивля́ющая;

ра́дуйся, всего́ ми́ра христиа́нскаго украше́ние.

Ра́дуйся, благове́рная княги́не Елисаве́то, преподобному́ченице достосла́вная.

Кондак 3

Си́лою Боже́ственныя благода́ти ко спасе́нию умудре́нная, позна́ла еси́ ве́ру и́стинную, княги́не ми́лостивая Елисаве́то. Темже, во Святе́й Земли́ пребыва́ющи и в жела́нии сердца своего прияти Православие укрепившися, воспе́ла еси́ просвети́вшему тя Бо́гу: Аллилу́иа.

Икос 3

Иму́щи се́рдце, до́брей земли́ подо́бное, ве́ру правосла́вную удо́бь восприя́ла еси́, те́мже Свята́го Миропома́зания и причаще́ния Святы́х Христо́вых Тайн в пра́здник Воскре́шения пра́веднаго Ла́заря сподо́билася еси́. Мы же, сла́вяще просвеще́ние твое́ благода́тию Свята́го Ду́ха, велича́ем тя:

Ра́дуйся, от заблужде́ний отре́кшаяся;

ра́дуйся, ве́ру правосла́вную приемшая.

Ра́дуйся, пома́занием Свята́го Ду́ха запечатле́нная;

ра́дуйся, с Це́рковию и́стинною воссоедине́нная.

Ра́дуйся, святе́й пра́ведней Елисаве́те тезоимени́тая;

ра́дуйся, в по́двизех ей усе́рдно подража́вшая.

Ра́дуйся, сыново́м За́пада путь к и́стинней ве́ре показу́ющая;

ра́дуйся, от благочести́вых люде́й росси́йских любо́вию почита́емая.

Ра́дуйся, ми́лостивая ма́ти, ми́лость у Влады́ки и Го́спода обре́тшая;

ра́дуйся, и о на́шем поми́ловании усе́рдно моля́щаяся.

Ра́дуйся, свет Боже́ственный в се́рдце свое́м носи́вшая;

ра́дуйся, тьму жи́зни на́шея све́том Христо́вых за́поведей озаря́ющая.

Ра́дуйся, благове́рная княги́не Елисаве́то, преподобному́ченице достосла́вная.

Кондак 4

Бу́ря зло́бы врага́ ро́да челове́ческаго не поколеба́ тя, свята́я, егда́ благове́рный супру́г твой внеза́пную смерть от уби́йц злонра́вных восприя́т, ему́же сострада́ющи, ве́лие му́жество и христиа́нскую любо́вь яви́ла еси́, о покая́нии же уби́йц моля́щися, твори́ла еси́ песнь: Аллилу́иа.

Икос 4

Слы́шавше росси́йстии лю́дие о убие́нии супруга твоего, моля́ху Бо́га, да укрепи́т тя, свята́я Елисаве́то, в несе́нии ско́рби сея́. Ты же, ева́нгельскою любо́вию дви́жима, в темни́це уби́йцу посети́ла еси́, к покая́нию его́ подвиза́ющи и моли́твы вознося́щи ко Го́споду о проще́нии его́. Сего́ ра́ди приими́ от нас, недосто́йных, похвалы́ сия́:

Ра́дуйся, за́поведь Христо́ву о любви́ ко враго́м испо́лнившая;

ра́дуйся, уби́йцу супру́га твоего́ ева́нгельски прости́вшая.

Ра́дуйся, мно́зи ско́рби и беды́ претерпе́вшая;

ра́дуйся, в скорбех и печалех нам помога́ющая.

Ра́дуйся, заблу́ждших на путь и́стины и покая́ния наставля́ющая;

ра́дуйся, о поми́ловании гре́шных те́пле хода́тайствующая.

Ра́дуйся, во тьме печа́лей све́том наде́жды нас озаря́ющая;

ра́дуйся, путево́дная звездо́ всем спасе́ния ча́ющим.

Ра́дуйся, окамене́нныя сердца́ на́ша во умиле́ние приводя́щая;

ра́дуйся, о вся́кой ско́рби на́шей Христа́ умоля́ющая.

Ра́дуйся, зло́бу ми́ра добро́м побежда́вшая;

ра́дуйся, лю́дем росси́йским любо́вь и́стинную показа́вшая.

Ра́дуйся, благове́рная княги́не Елисаве́то, преподобному́ченице достосла́вная.

Кондак 5

Боготе́чная звезда́ яви́лася еси́ в земли́ Росси́йстей, свята́я Елисаве́то, егда́ бога́тство и сла́ву я́ко прах вмени́вши, в руце Божии жизнь свою предала еси, Крест Господень выну пред очима имущи. Темже, молитвою и делы милосердия Богу угодивши, днесь в радости Ему поеши: Аллилуия.

Икос 5

Ви́девше тя лю́дие богоспаса́емаго гра́да Москвы́ ди́вную устрои́тельницу оби́тели милосе́рдия, возра́довашася, я́ко мно́зи жены́, де́вы и ста́рицы российстии обрето́ша зде ти́хое и душеспаси́тельное приста́нище, подража́юще святы́м жена́м-мироно́сицам Ма́рфе и Мари́и в служе́нии Бо́гу и бли́жним. Сего́ ра́ди, прославля́юще тя, глаго́лем си́це:

Ра́дуйся, среди́ сла́вы земны́я суету́ мирска́го жития́ уразуме́вшая;

ра́дуйся, име́ние свое́ разда́вшая и нищету́ Христо́ву возлюби́вшая.

Ра́дуйся, град Москву́ оби́телию ди́вною украси́вшая;

ра́дуйся, благо́е и́го Христо́во на ра́мо восприи́мшая.

Ра́дуйся, служе́нию святы́х жен-мироно́сиц подража́вшая;

ра́дуйся, мно́гия же́ны во оби́тель милосе́рдия приве́дшая.

Ра́дуйся, ко спасе́нию сесте́р твои́х му́драя управи́тельнице;

ра́дуйся, оби́тели твоея́ неусы́пная храни́тельнице.

Ра́дуйся, в по́двизех теле́сных и духо́вных нас укрепля́ющая;

ра́дуйся, путь от земли́ на Не́бо нам показу́ющая.

Ра́дуйся, свети́ло милосе́рдия, над гра́дом Москво́ю возше́дшее;

ра́дуйся, всех служа́щих бли́жним покрови́тельнице.

Ра́дуйся, благове́рная княги́не Елисаве́то, преподобному́ченице достосла́вная.

Кондак 6

Пропове́дница любве́ Боже́ственныя и милосе́рдия неистощи́маго была́ еси́ в земли́ на́шей, свята́я Елисаве́то, благоче́стия ревни́тельнице, в сердца́х люде́й росси́йских любо́вь ко Го́споду и милосе́рдие к бра́тиям бе́дствующим возгрева́ющи. Темже и мы, твои́м заве́том после́дующе, вку́пе с си́рыми и убо́гими Бо́гу воспои́м: Аллилу́иа.

Икос 6

Возсия́ла еси́ све́том и́ноческаго жития́ в стране́ Росси́йстей, преподо́бная ма́ти на́ша Елисаве́то, в посте́ и моли́тве, в нощны́х бде́ниих и стро́гом воздержа́нии пребывающи, благоче́стию и смире́нию се́стры оби́тели твоея́ поучала еси. Мы же, тобо́ю на путь те́сный по́двига духо́внаго наставля́еми, ублажа́ем тя:

Ра́дуйся, путь равноа́нгельнаго жития́ избра́вшая;

ра́дуйся, в целому́дрии чистоту́ се́рдца твоего́ сохра́ньшая.

Ра́дуйся, в нестяжа́нии высоту́ ду́ха твоего́ показа́вшая;

ра́дуйся, в послуша́нии Бо́гу и бли́жним послужи́вшая.

Ра́дуйся, му́драя княги́не и и́нокине пречестна́я;

ра́дуйся, о́бразе жена́м христиа́нским.

Ра́дуйся, посто́м, бде́нием и непреста́нными моли́твами Бо́гу угоди́вшая;

ра́дуйся, от сна грехо́внаго ду́ши на́ша пробужда́ющая.

Ра́дуйся, ко исполне́нию за́поведи о любви́ к Бо́гу и бли́жним всех наставля́ющая;

ра́дуйся, моли́тве те́плой нас науча́ющая.

Ра́дуйся, наста́внице и́нокиням и собесе́днице а́нгелом;

ра́дуйся, в со́нме преподо́бных жен на Небеси́ просла́вленная.

Ра́дуйся, благове́рная княги́не Елисаве́то, преподобному́ченице достосла́вная.

Кондак 7

Хотя́щи во́лю Госпо́дню твори́ти, свята́я Елисаве́то, на вся́кий час свою́ во́лю отсека́ла еси́, к сове́ту пусты́нных ста́рцев Гаврии́ла и Алекси́я притека́ющи и и́ны му́жи духоно́сныя вопроша́ющи, и́хже му́дрыми наставле́нии житие́ во оби́тели милосе́рдия добре устроя́ла еси́, непреста́нно с се́страми взыва́ющи Бо́гу: Аллилу́иа.

Икос 7

Но́вое чу́до показа́ Госпо́дь, егда́ дарова́ ти, свята́я Елисаве́то, благода́ть и си́лу немощны́я исцеля́ти, безнаде́жныя утеша́ти, заблу́ждшия вразумля́ти. Ты же, облегче́ние и отра́ду с любо́вию подаю́щи, си́рым, забве́ным и немощным смире́нно послужи́ла еси́. Те́мже и нас, убо́гих, твое́ю моли́твою от страстей грехо́вных исцели́ и бу́ди нам ко спасе́нию управи́тельница, да благода́рственно воспое́м ти:

Ра́дуйся, в послуша́нии духо́вным отце́м и вели́ким ста́рцем пожи́вшая;

ра́дуйся, Вели́кая Ма́тушка людьми́ росси́йскими нарече́нная.

Ра́дуйся, дар немощны́я ду́ши врачева́ти от Бо́га стяжа́вшая;

ра́дуйся, боля́щия от одра́ боле́зни возставля́ющая.

Ра́дуйся, вдови́ц и сиро́т благосе́рдая попечи́тельнице;

ра́дуйся, а́лчущих пита́тельнице и су́щим в беда́х ско́рая засту́пнице.

Ра́дуйся, все́ми презре́нных и отве́рженных не оставля́ющая;

ра́дуйся, мно́гия ду́ши от тьмы грехо́вныя и поги́бели спаса́ющая.

Ра́дуйся, уныва́ющим в ско́рбех и обстоя́ниих му́драя уте́шительнице;

ра́дуйся, и нас, удруче́нных боле́зньми и немощами, укрепля́ющая.

Ра́дуйся, ка́ющимся гре́шником пред Го́сподем предста́тельнице;

ра́дуйся, лю́дем росси́йским богодарова́нная помо́щнице.

Ра́дуйся, благове́рная княги́не Елисаве́то, преподобному́ченице достосла́вная.

Кондак 8

Стра́нное и стра́шное виде́ние яви́ Госпо́дь духовнику́ оби́тели милосе́рдия иерею Митрофа́ну, ты же, о свята́я ма́ти, сие́ виде́ние изъясня́ющи, прорекла́ еси́, я́ко ве́лие и гро́зное испыта́ние гряде́т на Це́рковь Ру́сскую и держа́ву на́шу: святы́нь поруга́ние, брань братоуби́йственная, сму́та ве́лия, кончи́на му́ченическая семейства царскаго; но помилу́ет Бог Росси́ю по моли́твам святы́х ея́, с ни́миже ты ны́не воспева́еши Бо́гу: Аллилу́иа.

Икос 8

Вся благода́тию Боже́ственною просвеща́ема, свята́я Елисаве́то, мы́сленныма очи́ма гне́вное посеще́ние Бо́жие страны́ на́шея зре́ла еси́ и проро́чески веща́ла еси́, я́ко мно́зи му́ченицы и испове́дницы в земли́ Ру́сстей возсия́ют. Те́мже все упова́ние на Бо́жию Ма́терь возложи́ти лю́ди российстии призыва́ла еси́, ве́рующи, я́ко моли́твами Ея́ устро́ится и благослови́тся земля́ на́ша. Мы же, ве́дуще прорече́ния твоего́ о судбе́ отчи́зны на́шея сбытие́, ублажа́ем тя си́це:

Ра́дуйся, храм Покрова́ Пресвяты́я Богоро́дицы во оби́тели воздви́гшая;

ра́дуйся, в ру́це Пречи́стей Ма́тери оби́тель твою́ преда́вшая.

Ра́дуйся, хра́мов святы́х и благоле́пных устрои́тельнице;

ра́дуйся, к Богоро́дице неусы́пная моли́твеннице.

Ра́дуйся, храмы Бо́жии сосу́дами и ри́зами благоукрасившая;

ра́дуйся, я́ко се́рдце твое́ оби́телию Свята́го Ду́ха соделася.

Ра́дуйся, житие́м свои́м Го́споду и Ма́тери Его́ ве́рно послужи́вшая;

ра́дуйся, все упова́ние на Бо́га возлага́ти нас науча́ющая.

Ра́дуйся, кро́тость, тишину́ и мир сердца́м на́шим подаю́щая;

ра́дуйся, благода́тными да́ры све́тло украше́нная.

Ра́дуйся, му́жественне ско́рби и клевету́ претерпе́вшая;

ра́дуйся, себе́ в же́ртву Бо́гу угото́вившая.

Ра́дуйся, благове́рная княги́не Елисаве́то, преподобному́ченице достосла́вная.

Кондак 9

Вся любо́вию к Бо́гу пламене́ющи, свята́я Елисаве́то, не убоя́лася еси́, егда́ приидо́ша во оби́тель твою́ лю́дие безбожнии, хотя́щии суд непра́веден над тобо́ю соверши́ти. Ты же, Го́сподом сохраня́ема, сме́рти тогда́ избе́гла еси́, о вразумле́нии и просве́щении неразу́мных и заблу́ждших моля́щися, Бо́гу же во благодаре́нии воспева́ющи: Аллилу́иа.

Икос 9

Вети́й челове́ческих уста́ не возмо́гут досто́йно восхвали́ти кре́пость любве́ твоея́ во дни бед и напа́стей вели́ких, обыше́дших Оте́чество на́ше, егда́ не восхоте́ла еси́ поки́нути Росси́ю и оби́тель, тобо́ю созда́нную, се́стры тоя́ за ве́ру правосла́вную да́же до сме́рти стоя́ти увещава́ющи. Мы же с любо́вию восхваля́ем тя:

Ра́дуйся, зе́млю на́шу возлюби́вшая;

ра́дуйся, от люде́й правосла́вных с любо́вию прославля́емая.

Ра́дуйся, щито́м ве́ры огражда́тися нас науча́ющая;

ра́дуйся, желание кре́стным путе́м сле́довати в нас укрепля́ющая.

Ра́дуйся, от ро́ва поги́бели мно́гия спа́сшая;

ра́дуйся, оби́тели твое́й и гра́ду Москве́ покро́ве и защи́тнице.

Ра́дуйся, се́стры оби́тели милосе́рдия в ве́ре и наде́жди утверди́вшая;

ра́дуйся, на по́двиг му́ченичества за Христа́ их наста́вльшая.

Ра́дуйся, приобщи́тися страсте́м Христо́вым удосто́ившаяся;

ра́дуйся, в по́двизе испове́дничества ве́рныя утвержда́ющая.

Ра́дуйся, любви́ же́ртвенней, ве́чней нас науча́ющая;

ра́дуйся, в ра́дость Го́спода твоего́ вше́дшая.

Ра́дуйся, благове́рная княги́не Елисаве́то, преподобному́ченице достосла́вная.

Кондак 10

Спаси́тельнаго по́двига и́щущи, свята́я Елисаве́то, с ра́достию благодари́ла еси́ Бо́га, яко сподо́би тя понести́ крест Его́. Те́мже просия́ побе́дою ве́ра твоя́, егда́, к Голго́фе свое́й восходя́щи, непреста́нно возглаша́ла еси́: Сла́ва Бо́гу за вся́! Умоли́, о ма́ти на́ша, да да́рует нам Госпо́дь стяжа́ти му́дрость и си́лу за ве́ру пра́вую да́же до сме́рти стоя́ти и воспева́ти Ему́ еди́ными усты́ и еди́ным се́рдцем: Аллилу́иа.

Икос 10

Стена́ необори́мая и заступле́ние стране́ на́шей дарова́ся свята́я ико́на Бо́жия Ма́тере Держа́вная, ю́же прия́ла еси́ во Оби́тели милосе́рдия, свята́я Елисаве́то, я́ко зна́мение побе́ды над миродержи́тели тьмы ве́ка сего́. Сего́ ра́ди и мы, все упова́ние на Держа́вную Влады́чицу возложи́вше, тебе́ я́ко и́стинную служи́тельницу и послу́шницу Пречи́стыя Ма́тере Го́спода восхваля́ем:

Ра́дуйся, испо́лненная благода́ти и си́лы Бо́жия;

ра́дуйся, избра́вшая благу́ю часть, я́же не оты́мется от тебе́.

Ра́дуйся, в кро́тости и смире́нии Бо́жией Ма́тери подража́вшая;

ра́дуйся, я́ко му́драя ева́нгельская де́ва еле́й благода́ти собра́вшая.

Ра́дуйся, Пресвяты́я Богоро́дицы благогове́йная служи́тельнице;

ра́дуйся, у Престо́ла Сы́на Ея́ непреста́нная моли́твеннице.

Ра́дуйся, о́браз самоотверже́ния нам яви́вшая;

ра́дуйся, друг дру́га тяготы́ носи́ти науча́ющая.

Ра́дуйся, скорбьми́ и слеза́ми в Ца́рство Небе́сное возше́дшая;

ра́дуйся, любви́ и терпе́нию в страдании сущих всех науча́ющая.

Ра́дуйся, а́нгельски на земли́ пожи́вшая;

ра́дуйся, на Небеси́ вене́ц сла́вы улучившая.

Ра́дуйся, благове́рная княги́не Елисаве́то, преподобному́ченице достосла́вная.

Кондак 11

Пе́ние моле́бное Бо́жией Ма́тери возноси́ла еси́, свята́я Елисаве́то, в день пра́зднования И́верския иконы́ Ея́, егда́ взя́ша тя нечести́вии и в темни́цу вверго́ша. Ты же благодари́ла еси́ Христа́ Бо́га на́шего, да́вшаго тебе́ не то́чию е́же в Него́ ве́ровати, но и е́же по Нем страда́ти, в у́зах темни́чных воспева́ющи Ему́: Аллилу́иа.

Икос 11

Свет Боже́ственный осия́ тя, страстоте́рпице свята́я княги́не Елисаве́то, ку́пно с преподобному́ченицею Варва́рою, о Христе́ сестро́ю твое́ю, и с про́чими страстоте́рпцы имени́тыми, егда́ в глубо́кий ров низрину́ша вас нечести́вии. Ты же, ра́ны вели́каго кня́зя Иоа́нна обязу́ющи и страда́ния бли́жних облегча́ющи, воспева́ла еси́ свяще́нная песнопе́ния, за убива́ющих си́це моля́щися: О́тче, отпусти́ им, не ве́дят бо, что творя́т. Уврачу́й и на́ших душ ра́ны, преподобная ма́ти, да с любо́вию воспое́м ти:

Ра́дуйся, му́ченическую кончи́ну свою́ предуве́девшая;

ра́дуйся, страстоте́рпице великоименитая.

Ра́дуйся, Страсте́м Христо́вым приобщи́вшаяся;

ра́дуйся, си́лою Боже́ственною в страда́ниих укрепля́емая.

Ра́дуйся, за мучи́телей свои́х, Христу́ подража́ющи, моли́вшаяся;

ра́дуйся, до са́мыя кончи́ны твоея́ песнь Бо́гу воспе́вавшая.

Ра́дуйся, кро́вию свое́ю зе́млю Ру́сскую ороси́вшая;

ра́дуйся, со́нму но́вых му́ченик сопричте́нная.

Ра́дуйся, я́ко ли́ку преподо́бных и пра́ведных жен приобщи́лася еси́;

ра́дуйся, святы́х благове́рных княги́нь земли́ Ру́сския досто́йная сонасле́днице.

Ра́дуйся, же́ртво непоро́чная и благоприя́тная, Бо́гу принесе́нная;

ра́дуйся, со все́ми святы́ми земли́ на́шея торжеству́ющая.

Ра́дуйся, благове́рная княги́не Елисаве́то, преподобному́ченице достосла́вная.

Кондак 12

Благода́ть источают честни́и мо́щи ва́ша, святы́я преподобному́ченицы Елисаве́то и Варва́ро, и́хже от поруга́ния и безче́стия спа́сше, благочести́вии лю́дие из Росси́и во святы́й град Иерусали́м принесо́ша и в ве́си Гефсимани́йстей погребо́ша, иде́же мно́зии к ним приходя́ще, ублажа́ют вас, воспева́юще Бо́гу, ди́вному во святы́х Свои́х: Аллилу́иа.

Икос 12

Све́та небе́снаго и благоуха́ния чу́днаго храм святы́я мироно́сицы Мари́и Магдали́ни во Иерусали́ме испо́лнися, егда́ гроб с те́лом твои́м отве́рст бысть. Те́мже ны́не Це́ркве Правосла́вныя ча́да вси ра́дуются и лику́ют о Го́споде, притека́юще к чудото́чней ра́це моще́й твои́х, преподобному́ченице Елисаве́то, и благодаря́ще просла́вльшаго тя Го́спода, пою́т си́це:

Ра́дуйся, я́ко мо́щи твоя́ нетле́нием процвето́ша;

ра́дуйся, во Святу́ю Зе́млю те́лом принесе́нная.

Ра́дуйся, в саду́ моле́ния Госпо́дня погребе́нная;

ра́дуйся, во хра́ме святы́я мироно́сицы упокое́нная.

Ра́дуйся, явле́нием моще́й твои́х Це́рковь Ру́сскую возвесели́вшая;

ра́дуйся, су́щих в разсе́янии росси́йских люде́й духо́вно укрепи́вшая.

Ра́дуйся, я́ко Господь чрез мо́щи твоя́ исцеляет вся́кия ско́рби и боле́зни;

ра́дуйся, по морю житейскому плавающих тихое пристанище.

Ра́дуйся, вене́ц доброде́телей собра́вшая;

ра́дуйся, сла́вою и честию от Бо́га венча́нная.

Ра́дуйся, Го́рняго Иерусали́ма блаже́нная обита́тельнице;

ра́дуйся, ко Иерусали́му Небе́сному всем нам путеводи́тельнице.

Ра́дуйся, благове́рная княги́не Елисаве́то, преподобному́ченице достосла́вная.

Кондак 13

О, вели́кая страстоте́рпице, жен росси́йских украше́ние и ра́досте на́ша, княги́не ми́лостивая Елисаве́то, приими́ от се́рдца воздыха́ние на́ше, с любо́вию тебе́ приноси́мое, и твои́м предста́тельством ко Го́споду дух пра́выя ве́ры и благоче́стия в нас укрепи́, в доброде́тели и милосе́рдии утверди́, помози́ крест скорбе́й с терпе́нием и наде́ждою понести́, в любви́ и согла́сии наро́д наш сохрани́, да сподо́бимся в ра́дость Го́спода вни́ти, со а́нгелы и все́ми святы́ми пою́ще Ему́: Аллилу́иа.

Молитва 1

О, вели́кая княги́не, свята́я преподобному́ченице Елисаве́то, Росси́йская похвало́, гра́да Москвы́ пресла́вное украше́ние и Святы́я Земли́ свяще́нное достоя́ние!

Ты во дни жития́ твоего́ ве́ру, наде́жду, любо́вь нело́жны стяжа́вши, милосе́рдием к стра́ждущим све́тло просия́ла еси́. Терпе́нием же скорбе́й и искуше́ний о́браз смире́ния бли́жним яви́вши, изгна́нием и страданьми житие́ увенча́ла еси́ и во Ца́рствии Небе́снем ны́не пребыва́еши.

Сего́ ра́ди мо́лим тя, страстоте́рпице свята́я, моли́твами твои́ми да́руй нам се́рдце смире́нное и покая́нное, милосе́рдие неоскудева́ющее, служе́ние бли́жним же́ртвенное, терпе́ние непоколе́блемое, му́жество в ско́рбех и обстоя́ниих неослабева́ющее, в стра́шный же час сме́ртный упова́ние тве́рдое на Го́спода на́шего Иису́са Христа́, Ему́же подоба́ет вся́кая сла́ва, честь и поклоне́ние со Безнача́льным Его́ Отце́м, и Пресвяты́м, Благи́м и Животворя́щим Его́ Ду́хом ны́не и при́сно и во ве́ки веко́в. Ами́нь.

Молитва 2

О, святы́я новому́ченицы Церкви Русския, вели́кая княги́не Елисаве́то и пречестна́я и́нокине Варва́ро, ку́пно ева́нгельския за́поведи де́лом во оби́тели милосе́рдия соверши́вшия, ве́ры ра́ди правосла́вныя до сме́рти подвизавшияся и до́брый плод в терпе́нии страсте́й Христу́ прине́сшия! Моли́теся Ему́, я́ко победи́телю сме́рти, да утверди́т Це́рковь Ру́сскую Правосла́вную и Оте́чество на́ше. Се бо лука́вый враг вооружа́ется на ны, хотя́ нас погуби́ти в междоусо́бных бра́нех, ско́рбех, печа́лех, боле́знех, ну́ждах и беда́х лю́тых. Умоли́те Го́спода низложи́ти вся не́мощныя де́рзости его́; ве́ру в сердца́х люде́й православных укрепи́те, нам же мужества дар низпослите, да, отве́ргшеся себе́ и взе́мше крест свой, после́дуем Христу́, распина́юще плоть свою́ со страстьми́ и похотьми́. Сохрани́те нас от вся́каго зла, освяти́те пути́ жи́зни на́шея, да́руйте покая́ние нелицеме́рное, тишину́ и мир душа́м на́шим, испроси́те у Го́спода всем нам мыта́рств го́рьких и ве́чныя му́ки изба́витися и Небе́сному Ца́рствию насле́дником бы́ти со все́ми святы́ми, от века угоди́вшими Бо́гу, да ра́дующеся воздади́м хвалу́, честь и поклоне́ние Отцу́ и Сы́ну и Свято́му Ду́ху во ве́ки веко́в. Ами́нь.

Рубрики: Вера

Добавить комментарий

Ваш адрес email не будет опубликован. Обязательные поля помечены *